عبادات >> صلاة (نماز)
سوال نمبر: 602558
امام کے ساتھ قنوت پڑھنے کے بعد مسبوق کا اپنی آخری رکعت میں دوبارہ قنوت پڑھنا
ایک بندہ رمضان میں امام کے ساتھ وتر کی تیسری رکعت میں شامل ہوا، اور امام کے ساتھ قنوت پڑھ لی۔ جب اپنی نماز پوری کرنے لگا تو تیسری (آخری) رکعت میں انہوں نے عمداً یا سہواً دوبارہ قنوت پڑھ لی۔ ایسی صورت میں نماز کیا کیا حکم ہے؟
جواب نمبر: 602558
بسم الله الرحمن الرحيم
Fatwa : 570-904/B=01/1443
مسبوق نے جب وتر کی تیسری رکعت میں امام کے ساتھ شرکت کی تو اس کی دعاء قنوت ادا ہوگئی۔ اب اسے دوبارہ دعاء قنوت پڑھنے کی ضرورت نہیں۔ دعاء قنوت میں تکرار ثابت نہیں۔ اگر کسی نے سہواً پڑھ لی تو اس کے ذمہ سجدہٴ سہو واجب ہوگا۔ اگر سجدہٴ سہو نہیں کرے گا تو نماز ناقص ہوگی۔
واللہ تعالیٰ اعلم
دارالافتاء،
دارالعلوم دیوبند