عنوان: نماز کے وقت پاجامہ وغیرہ ٹخنے سے اونچا کرنا 

سوال:

میرا سوال یہ ہے کہ نماز کے وقت ٹخنے دکھانے کے لئے پینٹ کے کپڑے کو اندر کی طرف یا باہر کی طرف موڑ کر نماز پڑھنا جائز ہے یا نہیں؟

جواب نمبر: 60180302-Jan-2021 : تاریخ اشاعت

بسم الله الرحمن الرحيم

Fatwa:357-246/sn=5/1442

 پینٹ یا پاجامہ وغیرہ ٹخنوں سے نیچے پہننا شرعاً جائز نہیں ہے ، حدیث میں اس پر سخت وعید آئی ہے ، یہ حکم نماز کے اندر اور باہر ہر جگہ کے لئے ہے ؛ اس لئے ایک مسلمان کو چاہئے کہ پینٹ وغیرہ کے پائینچے کو اوپر رکھنے کا اہتمام کرے ، اگر اتفاقاً کسی دن نیچے رہ جائیں اور نماز سے پہلے اس کو اوپر کرکے نماز پڑھ لے تو شرعاً اس میں کوئی حرج نہیں؛ بلکہ کرلینا چاہئے ۔ ایک حدیث میں ہے کہ اللہ تعالی کے نزدیک اس شخص کی نماز قبول نہیں ہوتی جس نے اپنے ازار (پینٹ وغیرہ) کے پائینچے کو ٹخنے سے نیچے ہونے کی حالت میں نماز پڑھی؛ البتہ اوپر کرنے کا کام نماز سے پہلے کرلینا چاہئے ، دوران نماز نہیں؛ کیونکہ دوران نماز دونوں ہاتھ سے ایسا کرنے کی صورت میں نماز فاسد ہوسکتی ہے ۔

عن العلاء بن عبد الرحمن، عن أبیہ، قال: سألت أبا سعید الخدری عن الإزار، فقال: علی الخبیر سقطت، قال رسول اللہ صلی اللہ علیہ وسلم: إزرة المسلم إلی نصف الساق، ولا حرج - أو لا جناح - فیما بینہ وبین الکعبین، ما کان أسفل من الکعبین فہو فی النار، من جر إزارہ بطرا لم ینظر اللہ إلیہ(سنن أبی داود 4/ 59،4093، باب فی قدر موضع الإزار)عن أبی ہریرة، قال: بینما رجل یصلی مسبلا إزارہ، فقال لہ رسول اللہ صلی اللہ علیہ وسلم: اذہب فتوضأ ، فذہب فتوضأ، ثم جاء، فقال: اذہب فتوضأ ، فقال لہ رجل: یا رسول اللہ، ما لک أمرتہ أن یتوضأ، ثم سکت عنہ، قال: إنہ کان یصلی وہو مسبل إزارہ، وإن اللہ لا یقبل صلاة رجل مسبل(سنن أبی داود 4/ 57،4086، باب ما جاء فی إسبال الإزار)