عنوان:

مقتدی كی تكبیر تحریمہ اگر امام كی تكبیر تحریمہ سے پہلے پوری ہوجائے تو نماز كا كیا حكم ہے؟

سوال:

فرض نمازوں میں امام کے ساتھ تکبیر تحریمہ کہنا افضل ہے، لیکن ایک امام صاحب کا کہنا ہے کہ اگر مقتدی نے امام کے تکبیر تحریمہ ختم ہونے سے پہلے (یعنی اکبر کی ر) سے پہلے اگر مقتدی نے تکبیر کہ دی تو اس کی نماز ہی نہیں ہوگی. مفصل جواب مع حوالہ جات مطلوب ہے. شکریہ

جواب نمبر: 60166306-Jan-2021 : تاریخ اشاعت

بسم الله الرحمن الرحيم

Fatwa : 315-297/M=05/1442

 مقتدی پر لازم ہے کہ اس کی تکبیر تحریمہ، امام کی تکبیر تحریمہ سے موخر ہو یعنی پہلے امام کی تکبیر پوری ہو جائے اس کے بعد مقتدی کی تکبیر ختم ہو، اگر مقتدی پہلے فارغ ہوگیا یعنی امام کی تکبیر (اللہ اکبر کی را) مکمل ہونے سے پہلے مقتدی نے تکبیر مکمل کرلی تو وہ مقتدی اس امام کی اقتداء میں شامل جماعت نہیں ہوا۔ اگر اس نے امام کی تکبیر تحریمہ مکمل ہونے کے بعد اپنی تکبیر تحریمہ نہیں لوٹائی تو اس امام کی اقتداء میں اس کی نماز نہیں ہوئی۔

صورت مسئولہ میں امام صاحب مذکور کے کہنے کا یہی مطلب ہے جو اوپر لکھا گیا، تو ان کی بات درست ہے۔ شامی میں ہے: ․․․․․ أو سبق المقتدي الإمام بہ ، فلو فرغ منہ قبل فراغ إمامہ لم یصح شروعہ الخ (شامی اشرفی: 2/126، بحث شروط التحریمہ) ۔