عبادات >> صلاة (نماز)
سوال نمبر: 601264
نماز میں سورة فاتحہ اور آیت کے درمیان بسم اللہ پڑھنے کا حکم
نماز میں سورة فاتحہ کے بعد درمیان سورہ سے قرأت کرے یعنی مکمل سورة کے بجائے سورة فاتحہ کے بعد آیت ملائے تو درمیان فاتحہ و آیت بسم اللہ کا کیا حکم ہوگا؟بینوا و توجروا ۔
جواب نمبر: 601264
بسم الله الرحمن الرحيم
Fatwa : 363-894/B=01/1443
سورہٴ فاتحہ کے بعد درمیان سورہ سے قرأة کرتے وقت یا شروع سورہ سے قرأة کرتے وقت بسم اللہ پڑھنا درمیان میں حضرت امام اعظم ابوحنیفہ کے نزدیک ثابت نہیں؛ البتہ سورہ ملاتے وقت بسم اللہ پڑھ لینا بعض ائمہ احناف کے یہاں بہتر ہے۔
واللہ تعالیٰ اعلم
دارالافتاء،
دارالعلوم دیوبند