عبادات >> صلاة (نماز)
سوال نمبر: 600509
اگر امام بے وضو نماز پڑھا دے تو کیا مقتدی بھی دوبارہ نماز پڑھیں گے ؟یعنی اگر امام کو اپنے بے وضو ہونے کا علم نہ ہو اور نماز کے بعد معلوم ہوجائے۔
جواب نمبر: 600509
بسم الله الرحمن الرحيم
Fatwa : 188-117/B=02/1442
حدیث شریف میں آیا ہے کہ بغیر وضو کے نماز صحیح نہیں ہوتی۔ اگر امام نے لاعلمی میں بلاوضو نماز پڑھادی تو امام کی نماز بھی نہ ہوگی اور امام کے پیچھے پڑھنے والے مقتدیوں کی نماز بھی نہ ہوگی، لہٰذا دونوں کو دوبارہ نماز پڑھنا ضروری ہے۔ امام کو چاہئے کہ اس بات کا اعلان کردے تاکہ جو لوگ اس نماز میں شریک ہوئے ہوں وہ ا پنی اپنی نماز کا اعادہ کرلیں۔
واللہ تعالیٰ اعلم
دارالافتاء،
دارالعلوم دیوبند