عنوان: لاك ڈاؤن میں پانچ سے زائد آدمیوں پر پابندی كے باوجود  بیس تیس آدمیوں كا جماعت سے نماز پڑھنا كیسا ہے؟

سوال:

کیا فرماتے ہیں مفتیان کرام مسئلہ ذیل کے بارے میں کہ یوپی میں لاک ڈاؤن کے دوران مسجد میں صرف پانچ آدمی کو نماز پڑھنے کی اجازت ہے اس دوران مسجد میں بیس تیس آدمی کا نماز پڑھنا حکومت کی اجازت کے بغیر کیسا ہے اس طرح نماز پڑھنا کوئی قباحت تو نہیں جب کہ نماز کے دوران گیٹ کو پورے طور پر بند کر دیا جاتا ہے اگر نماز کے دوران پولیس آتی ہے تو چپ کر دوسرے گیٹ سے بھاگ جاتے ہیں حالانکہ نماز کے دوران کافی خوف بھی ہوتا ہے ؟

جواب نمبر: 60012427-Sep-2020 : تاریخ اشاعت

بسم الله الرحمن الرحيم

Fatwa:84-64/L=2/1442

 اگر لاک ڈاؤن کے دوران حکومت کی طرف سے پانچ سے زائد لوگوں کو ایک ساتھ نماز پڑھنے کی اجازت نہیں تھی تو لوگوں کو اس کی رعایت کرنی چاہیے تھی ؛تاہم اگر زائد لوگوں نے نماز پڑھ لی تھی تو ان کی نمازیں بھی ادا ہوگئیں ،ان کی نمازوں کے اعادہ کا حکم نہیں ہے ۔