عنوان: اذان کے بعد پڑھنے کی دعا جو گناہ کو معاف کرنے کاذریعہ بھی بن جائے ، دو تین دعا ہو بتائیں۔

سوال: اذان کے بعد پڑھنے کی دعا جو گناہ کو معاف کرنے کاذریعہ بھی بن جائے ، دو تین دعا ہو بتائیں۔

جواب نمبر: 5802501-Sep-2020 : تاریخ اشاعت

بسم الله الرحمن الرحيم

Fatwa ID: 278-243/Sn=5/1436-U بخاری میں ہے جوشخص اذان سننے کے بعد درج ذیل دعا پڑھے گا، اسے آنحضرت صلی اللہ علیہ وسلم کی شفاعت نصیب ہوگی، وہ دعا یہ ہے: اللَّھُمَّ رَبَّ ھَذِہِ الدَّعْوَةِ التَّامَّةِ، وَالصَّلاَةِ القَائِمَةِ آتِ مُحَمَّدًا الوَسِیلَةَ وَالفَضِیلَةَ، وَابْعَثْہُ مَقَامًا مَحْمُودًا الَّذِي وَعَدْتَہُ (مشکاة المصابیح ص:۵۶، بحوالہ بخاری) مسلم کی ایک روایت میں ہے: موذن کی اذان سن کر جو شخص درج ذیل دعا پڑھے گا اس کے گناہوں کی مغفرت ہوجائے گی، دعا یہ ہے: أَشْہَدُ أَنْ لَا إِلَہَ إِلَّا اللہُ وَحْدَہُ لَا شَرِیکَ لَہُ، وَأَنَّ مُحَمَّدًا عَبْدُہُ وَرَسُولُہُ، رَضِیتُ بِاللہِ رَبًّا وَبِمُحَمَّدٍ رَسُولًا، وَبِالْإِسْلَامِ دِینًا (مشکاة المصابیح ص: ، بحوالہ مسلم) ایک حدیث میں ہے کہ جو شخص اخلاص کے ساتھ موٴذن کے کلمات دہرائے اورحی علی الصلاة اور حی علی الفلاح کے جواب میں لاَ حَولَ ولا قُوَةَ إلاّ باللہ العلي العظیم کہے تو وہ (ان شاء اللہ) جنت میں داخل ہوگا۔