English اردو

  • عبادات >> صلاة (نماز)

    سوال نمبر: 51909

    عنوان: فجر كی جماعت شروع ہونے كے بعد سنتیں پڑھنا كیسا ہے؟

    سوال: فجر کی سنتوں کے بارے میں ہے مجھ کو فجر کے فرضوں کی دوسری رکعت ملنے کی امید ہوتی ہے تو میں مسجد کی دوسری جانب سنتیں ادا کرلیتا ہوں تو بعض لوگ کہتے ہیں کہ تمہارے اندر فرضوں کی اہمیت نہیں تو کیا میں غلط کرتا ہوں؟

    جواب نمبر: 51909

    بسم الله الرحمن الرحيم

    Fatwa ID: 610-610/M=5/1435-U آپ کا عمل درست ہے، سنت فجر کی حدیث میں بڑی تاکید اور فضیلت آئی ہے، اس کو دنیا ومافیہا سے بہتر فرمایا گیا ہے اور یہ ترغیب آئی ہے کہ سنت فجر کو ادا کیا کرو چاہے تمھیں گھوڑے روند ڈالیں، اس کا تقاضا یہ ہے کہ اگر جماعت کی آخری رکعت بلکہ قعدہ اخیرہ بھی ملنے کی توقع ہو تو سنت فجر کو ادا کرلینا چاہیے تاکہ دونوں چیزیں حاصل ہوجائیں، اس سے یہ مطلب نکالنا کہ فرض کی اہمیت نہیں ہے، قطعا غلط ہے، فرض کی اہمیت نہ ہوتی تو یہ کیوں کہا جاتا کہ اگر فجر کی جماعت بالکلیہ فوت ہوجانے کا اندیشہ ہو تو سنت فجر کو چھوڑکر جماعت میں شامل ہوجائیں، جو لوگ اتنی اہم اور موٴکد سنت کو فوراً ترک کردیتے ہیں ان کے پاس اس محرومی کا کیا جواب ہے؟


    واللہ تعالیٰ اعلم


    دارالافتاء،
    دارالعلوم دیوبند
دارالافتاء، دارالعلوم دیوبند، انڈیا © 2020
اس ویب سائٹ کا استعمال اس بات کی علامت ہے کہ آپ استعمال کی شرائط سے متفق ہیں