عنوان: میں دبئی میں ہوں یہاں اکثر امام غیر مقلد یا داڑھی مونڈنے یا شافعی مسلک کے ہیں اور عصر مثل اول کے بعد پڑھتے ہیں تو حنفی لوگ کیا کریں جماعت یااکیلے۔

سوال: میں دبئی میں ہوں یہاں اکثر امام غیر مقلد یا داڑھی مونڈنے یا شافعی مسلک کے ہیں اور عصر مثل اول کے بعد پڑھتے ہیں تو حنفی لوگ کیا کریں جماعت یااکیلے۔

جواب نمبر: 4987731-Aug-2020 : تاریخ اشاعت

بسم الله الرحمن الرحيم

Fatwa ID: 251-204/1435-U احناف کے یہاں بھی دو قول ہیں، ایک قول یہ ہے کہ عصرکی نماز مثل اول کے بعد مثل ثانی میں پڑھنی چاہیے اورایک قول یہ ہے کہ مثل ثانی کے ختم ہونے کے بعد پڑھنا افضل اور بہتر ہے، مگر اگر کسی جگہ عصر کی نماز مثل اول کے بعد پڑھی جاتی ہے تو وہاں جماعت کے ساتھ نماز پڑھنے سے عصر کی نماز حضرات صاحبین رحمہما اللہ کے قول کے مطابق اس کے ذمہ سے ساقط ہوگئی، شافعی مسلک والے چونکہ اہل حق میں سے ہیں تو آپ کی نماز ان کے پیچھے بالکل صحیح ہے البتہ ڈاڑھی مونڈنے والا چونکہ فاسق ہے اور غیرمقلد بھی اگر مقلدین کومشرک مانتا ہے تو وہ بھی فاسق اور گمراہ ہے، فاسق اور گمراہ کے پیچھے نماز مکروہ ہے، اگر آپ کے قریب میں کوئی صحیح مسلک والا امام آپ کو مل جائے تو آپ ان ہی کے پیچھے نماز ادا کریں، ورنہ ان کے پیچھے جماعت سے نماز پڑھنا اکیلے پڑھنے سے افضل ہے، چنانچہ البحر الرائق میں ہے: فإن أمکن الصلاة خلف غیرہم فہو أفضل وإلا فالاقتداء أولی من الانفراد․ (البحر الرائق: ۱/۶۱۱ مکتبہ زکریا دیوبند)