عنوان: اگر امام آخری قعدہ کرنے کے بعد غلطی میں کھڑا ہوجائے تو مقتدی بھی امام کی اتباع میں کھڑے ہوجائیں یا بیٹھ کر ہی لقمہ دیتے رہیں۔

سوال: (۱) اگر امام آخری قعدہ کرنے کے بعد غلطی میں کھڑا ہوجائے تو مقتدی بھی امام کی اتباع میں کھڑے ہوجائیں یا بیٹھ کر ہی لقمہ دیتے رہیں۔ (۲) اور اگر امام پھر بھی واپس نہ ہو اور پانچویں رکعت کا سجدہ بھی کرڈالے تو اب مقتدی کیا کریں؟خود ہی سلام پھیرلیں یا امام کی اتباع کرتے ہوئے پانچویں رکعت میں چلے جائیں۔ (۳) اور اگر امام چوتھی آخری رکعت میں قعدہ کرنا بھول جائے سجدہ کے بعد سیدھا پانچویں رکعت میں کھڑا ہوجائے تو اس وقت مقتدیوں کو کیا کرنا چاہیے؟

جواب نمبر: 4962101-Sep-2020 : تاریخ اشاعت

بسم الله الرحمن الرحيم

Fatwa ID: 43-32/D=1/1435-U صورت مسئولہ میں امام قعدہ اخیرہ کرنے کے بعد اگر بھولے سے پانچویں رکعت کے لیے کھڑا ہوگیا اور مسبوق بھی اس کی اتباع میں کھڑا ہوگیا تو مسبوق کی نماز فاسد ہوجائے گی۔ ہاں اگر امام نے قعدہ اخیرہ نہیں کیا تو جب تک پانچویں رکعت کا سجدہ نہ کرلے مسبوق کی نماز درست رہے گی، مگر امام جوں ہی پانچویں رکعت کا سجدہ کرلے گا مسبوق کی نماز فاسد ہوجائے گی: ولو قام الإمام إلی الخامسة فتابعہ المسبوق إن قعد الإمام علی رأس الرابعة تفسد صلاة المسبوق وإن لم یقعد لم تفسد حتی یقید الخامسة بالسجدة (الفتاوی العالمگیری: ۱/ ۱۵۰، مکتبہ اتحاد دیوبند)