عنوان: سجدہ سہو درود اور دعا کے بعد

سوال: کیا یہ حدیث صحیح اور قابلِ عمل ہے؟ سنن ابوداؤد:جلد اول:حدیث نمبر 1024 حدیث مرفوع مکررات 13 متفق علیہ 2 قتیبہ، یعقوب بن عبدالرحمن، حضرت زید بن اسلم رضی اللہ تعالیٰ عنہ سے باسناد مالک روایت ہے کہ آپ صلی اللہ علیہ وآلہ وسلم نے ارشاد فرمایا اگر تم میں سے کوئی شخص اپنی نماز میں شک کرے اور پھر (شک کے بعد) یقین حاصل ہو جائے کہ تین رکعتیں پڑھی ہیں تو کھڑا ہو جائے اور ایک رکعت سجدہ کے ساتھ پڑھ کر بیٹھ جائے اور تشہد پڑھے پھر جب فارغ ہوجائے اور سلام کے علاوہ کچھ باقی نہ رہے تو سجدے کرے اور سلام پھیر دے۔

جواب نمبر: 4237601-Sep-2020 : تاریخ اشاعت

بسم الله الرحمن الرحيم

فتوی: 1276-1326/N=1/1434 (۱) یہ حدیث مرسل ہے، اس میں زید بن اسلم کے استاذ: عطاء بن یسار اور حضور صلی اللہ علیہ وسلم کے درمیان کوئی راوی محذوف ہے، لیکن دوسرے طریق سے موصولا مروی ہے اور موصولا ذکر کرنے والے رواة ثقات حفاظ کی جماعت ہے کما قال ابنالبر في التمہید (۵:۱۹) اس لیے حدیث صحیح ہے۔ (۲) احناف کے نزدیک: فإن استیقن أن قد صلی ثلاثا کے معنی ہیں: تعداد رکعات میں شک کی صورت میں اگر تحری کے بعد بھی غلبہ ظن حاصل نہیں ہوا اس لیے اس نے یقین (اقل) پر بنیاد رکھتے ہوئے یہ طے کرلیا کہ اس نے تین رکعتیں پڑھی ہیں تو ایسی صورت میں کھڑے ہوکر ایک رکعت اور پڑھے اور اخیر میں سجدہٴ سہو کرے قال في البذل (۵: ۴۰۴، ۴۰۵، ط: دارالکتب العلمیة بیروت): ویحتمل أن یکون معنی قولہ في روایة یقوب بن عبد الرحمن: فإن استیقن أن قد صلی ثلاثا أنہ فإن بنی علی الیقین وقدر أن قد صلی ثلاثا․․․ إھ اور حدیث میں جس سلام کا ذکر ہے اس سے سجدہٴ سہو سے پہلے والا سلام مراد نہیں ہے بلکہ وہ سلام مراد ہے جو سجدہٴ سہو کے بعد نماز سے نکلنے کے لیے پھیرا جاتا ہے قال في أوجز المسالک (کتاب الصلاة ما یفعل من سلم من رکعتین ساہیا، ۲:۳۰۵، ط دارالقلم دمشق): فالروایات التي ورد فیہا سجودہ صلی اللہ عیلہ وسلم قبل السلام فالمراد فیہا من السلام سلام الانصراف من الصلاة وہو التسلیم الثاني في قولنا وما ورد فیہ السجود بعد السلام فالمراد فیہ سلام الفصل بین الصلاة والسجدتین وأیضا فیہ العمل بکل نوع من روایات القول والفعل․․․ إھ خلاصہ یہ کہ درج بالا مفہوم کے لحاظ سے حدیث یقینا قابل عمل ہے، بلکہ اسی کے مطابق احناف کے یہاں عمل ہے۔