عنوان: قصر نماز کب پڑھیں

سوال: (۱) قصر نماز کب پڑھیں؟ (۲)میں ایک شہر میں ہوں ۔ اس شہر تک پہنچنے کے لیے میرے گھر سے تین راستے ہیں۔ ایک راستے سے یہ شہر 100 کیلو میٹر دور ہے ۔ دوسرے راستے سے یہ شہر 74 کیلو میٹر دور ہے۔ تیسرے راستے سے یہ شہر 65 کیلو میٹر دور ہے ۔ میں جاننا چاہتا ہوں کہ کیا میں اس شہر میں مسافر ہوں اور کیا میں اس شہر میں قصر نماز پڑھ سکتا ہوں ؟

جواب نمبر: 4199301-Sep-2020 : تاریخ اشاعت

بسم الله الرحمن الرحيم

فتوی: 1042-1029/N=11/1433 (۱) جب آپ شرعا مسافر ہوں کیونکہ مقیم کے لیے قصر جائز نہیں۔ (۲) اگر آپ اس شہر میں اس راستہ سے جائیں جس راستہ سے آپ کی بستی کی آبادی ختم ہونے کے بعد اور اس شہر کی آبادی شروع ہونے سے پہلے دونوں کے درمیان کی مسافت 77.25 یا اس سے زیادہ کلومیٹر بنتی ہے، تو آپ وہاں شرعاً مسافر ہوں گے، اور اکیلے یا مسافر امام کی اقتدا میں نماز پڑھنے کی صورت میں چار رکعت والی نمازوں میں قصر کریں گے اور دوسرے اور تیسرے راستہ سے جانے کی صورت میں آپ اس شہر میں مسافر نہ ہوں گے کیونکہ جس راستہ سے آدمی سفر کرے اسی کی مسافت کا اعتبار ہوتا ہے قال في الدر (مع الرد کتاب الصلاة باب صلاة المسافر: ۲/۶۰۳، ط: مکتبہ زکریا دیوبند): ولو لموضع طریقان أحدہما مدة السفر والآخر أقل قصر في الأول لا الثاني إھ․