عنوان: رمضان میں فجر كی نماز اسفار كركے كیوں پڑھتے ہیں؟

سوال: رمضان میں اکثر مسا جد میں صبح کی نماز بہت جلد پڑھی جاتی ہے، جب کہ حدیث میں ہے کہ صبح کی نماز آخر وقت میں پڑھنی چاہئے، کیا رمضان میں صبح کی نماز جلد پڑھنے کے بارے میں کو ئی حدیث ہے؟

جواب نمبر: 4142701-Sep-2020 : تاریخ اشاعت

بسم الله الرحمن الرحيم

فتوی: 1753-1347b=10/1433 احادیث میں تو ہرنماز اول وقت میں پڑھنے کا ذکر بھی ہے اور ظہر کی نماز گرمیوں میں ابراد کرکے اور فجر کی اسفار کرکے پڑھنے کا حکم بھی مذکور ہے، فجر کی نماز رمضان میں اول وقت میں اس لیے پڑھی جاتی ہے کہ لوگ سحری کے لیے اٹھتے ہیں، پھر سحری کھاکر سوجائیں تو فجر کی نماز قضا ہوجائے گی، اس لیے اول وقت میں پڑھ لیتے ہیں کہ نماز کے بعد پھر اطمینان سے اپنی نیند پوری کرسکتے ہیں، رمضان میں فجر جلد پڑھنے کی کوئی حدیث نہیں آئی ہے۔