عنوان: نماز میں کپڑا سمیٹنا

سوال: ایک حدیث سنی ہے کہ نماز میں کپڑا سمیٹنے سے منع کیا گیا ہے؟ رہنمائی کریں کہ کیا پینٹ کے پائنچے اوپر کرنا بھی کپڑا سمیٹنے میں آئے گا ؟میں پینٹ میں نماز پڑھتا تو میں کیا کروں ؟

جواب نمبر: 3983231-Aug-2020 : تاریخ اشاعت

بسم الله الرحمن الرحيم

فتوی: 591-618/N=8/1433 اگر پینٹ کے پائینچوں سے ٹخنے ڈھک رہے ہوں تو انھیں ٹخنوں سے اوپر رکھنا ضروری ہے، کیونکہ مردوں کے لیے اوپر سے آنے والے کپڑے سے ٹخنے ڈھانکنا ناجائز اور گناہ کبیرہ ہے۔ اور یہ ٹخنوں کو ڈھانکنے والے پائینچوں کو موڑنا اس کپڑا سمیٹنے میں داخل نہیں جس سے بحالتِ نماز اللہ کے رسول صلی اللہ علیہ وسلم نے منع فرمایا ہے۔ (ابوداوٴد، کتاب الصلاة، باب اعضاء السجود)