عنوان: نماز میں ناف كے نیچے ہاتھ باندھنا

سوال: میں ریاض ، سعودی عرب ،میں رہتاہوں۔ نماز میں ناف کے نیچے ہاتھ باندھنا صحیح ہے یا نہیں؟کیوں کہ یہاں پر لوگ غلط مانتے ہیں، ان کا کہنا ہے کہ سینے کے اوپر ہی ہاتھ باندھنا چاہئے؟اس سلسلے میں آپ کی رہنمائی چاہئے۔جواب میں عربی نوٹ کردیں تو اچھا ہوگا تاکہ ان لوگوں کو بھی بتایا جاسکے۔

جواب نمبر: 3802301-Sep-2020 : تاریخ اشاعت

بسم الله الرحمن الرحيم

فتوی: 693-101/B=5/1433 سعودیہ کے لوگ تو غلط نہیں مانتے ہیں، شاید آپ خود غلط مانتے ہیں، جو وہاں غیرمقلد لوگ آباد ہوگئے ہیں وہی غلط مانتے ہیں، حدیث شریف میں دونوں روایتیں آئی ہیں، سینہ کے اوپر ہاتھ باندھنے کی اور ناف کے نیچے باندھنے کی، اسی لیے امام ترمذی نے جامع ترمذی میں لکھا ہے کہ اس میں توسع ہے، جی چاہے سینہ کے اوپر ہاتھ باندھے اور جی چاہے ناف کے نیچے باندھے، دونوں صحیح ہے۔