عنوان: رفع یدین نہیں کرنا کس حدیث سے ثابت ہے؟

سوال: رفع یدین نہیں کرنا کس حدیث سے ثابت ہے؟ ہندوستان بہت لوگ بنا رفع یدین کے نماز پڑھتے ہیں۔ میں بھی رفع یدین نہیں کرتا ہوں ، لیکن اہل حدیث کے ماننے والے لوگ مجھے کہتے کہ آپ رفع یدین کیجئے۔ اس بارے میں آپ کا ، دیوبند کا کیا خیال ہے؟

جواب نمبر: 3699101-Sep-2020 : تاریخ اشاعت

بسم الله الرحمن الرحيم

امام بخاری کے استاذ امام حمیدی نے اپنی مسند میں سب سے زیادہ اصح الاسانید کے ساتھ یعنی امام زہری نے حضرت سالم سے اور انھوں نے نافع سے انھوں نے عبد اللہ بن عمر رضی اللہ عنہما سے روایت کی ہے کہ رسول اللہ صلی اللہ علیہ وسلم نے صرف افتتاح صلاة کے وقت رفع یدین کیا اس کے بعد رفع یدین نہیں کیا، اس سند پر کوئی کلام نہیں کیا گیا اور پھر اس کا متابع صحیح ابن عوانہ میں موجود ہے، اتنی اعلیٰ سند کے ساتھ رفع یدین نہ کرکے کا ثبوت موجود ہے، پھر بھی غیرمقلد لوگ آئے دن سوالات کرتے رہتے ہیں، علمائے دیوبند بلکہ تمام احناف کا عمل اسی صحیح تر حدیث پر ہے۔