عنوان: كیا میں گالی دینے والے كے پیچھے نماز پڑھ سكتا ہوں؟

سوال: سوال یہ ہے کہ ایک پبلک میٹنگ میں ہمارے امام صاحب جناب محمد احسن عبد الغفور نے مجھے بازاری زبان میں گالی دی ہے، کیا اسلام اجازت دیتاہے کہ میں اس کے پیچھے نماز پڑھوں؟

جواب نمبر: 3486401-Sep-2020 : تاریخ اشاعت

بسم الله الرحمن الرحيم

فتوی(م): 1630=1630-11/1432

اسلام کی تعلیم وہدایت تو یہ ہے کہ آپ کے ساتھ کوئی برائی کرے تو آپ اس کے ساتھ نیکی سے پیش آئیں، کوئی ظلم کرے تو اس کو معاف کردیں، واعْفُ عَمَّن ظَلَمَک وَاَحْسِنْ اِلٰی من أساء إلَیْکَ (الحدیث) گالی دینا بلاشبہ فسق و گناہ ہے، امام صاحب کو چاہیے کہ وہ اس سے توبہ استغفار کریں اور آپ سے معافی تلافی کرلیں، آپ کو چاہیے کہ دل میں کینہ نہ رکھیں معاف کردیں اور ان کے پیچھے نماز ادا کریں۔