• عبادات >> صلاة (نماز)

    سوال نمبر: 32971

    عنوان: کیا پینٹ ٹخنوں کے نیچے لٹکاکر نماز پڑھ سکتے ہیں یا موڑ کرکے؟براہ کرم، تفصیل سے بتائیں۔

    سوال: کیا پینٹ ٹخنوں کے نیچے لٹکاکر نماز پڑھ سکتے ہیں یا موڑ کرکے؟براہ کرم، تفصیل سے بتائیں۔

    جواب نمبر: 32971

    بسم الله الرحمن الرحيم

    فتوی(م): 1197=1197-8/1432 نماز کی حالت ہو یا کوئی دوسر ی حالت، بہرصورت ٹخنوں سے نیچے پاجامہ، پینٹ یا لنگی پہننا مکروہ تحریمی ہے، اس لیے پینٹ یا کوئی دوسرا لباس ہمیشہ ٹخنوں سے اوپر ہی رکھنا چاہیے، ٹخنوں سے نیچے لباس ہونے کی صورت میں پڑھی ہوئی نماز مکروہ ہوتی ہے، نیز یہ متکبرین اور فساق کی علامت ہے، اگر ان کے ساتھ تشبہ یا تکبر کی نیت ہو تو حرام ہے، حدیث شریف میں ہے: کہ جو شخص (پاجامہ یا لنگی سے) ٹخنے ڈھانکے گا تو یہ حصہ دوزخ میں جلے گا، عن أبي ہریرة رضي اللہ عنہ قال: قال رسول اللہ صلی اللہ علیہ وسلم: ما أسفل من الکعبین من الإزار في النار (مشکاة المصابیح: ۳۷۳) فما نزل عن الکعبین فہو ممنوع؛ فإن کان للخیلاء فہو ممنوع منع تحریم․․․ (شرح النووي علی الصحیح لمسلم: ۲/۱۹۵) ولا یجوز الإسبال تحت الکعبین إن کان للخیلاء، إذ قد نص علیہ الشافعي وبغیر الخیلاء منع للتنزیہ لا للتحریم (مرقاة مشکاة المصابیح، ۸/۱۲۹) ویکرہ کل ما کان من أخلاق الجبابرة (حاشیة الطحطاوي، کتاب الصلاة: ۳۵۰) وعن ابن عمر قال: قال رسول اللہ صلی اللہ علیہ وسلم: من تشبّہ بقوم فہو منہم․ (رواہ أبوداوٴد: ۲/۵۵۸، وکذا في المشکاة: ۳۷۳)


    واللہ تعالیٰ اعلم


    دارالافتاء،
    دارالعلوم دیوبند