عنوان: قضا نمازیں

سوال: میں نے آپ کے ایک فتویٰ میں پڑھا ہے کہ قضا نمازیں ادا کرنا ضروری ہے چاہے جتنی بھی ہوں۔ جبکہ عورتوں کو حیض کے بعد روزوں کی قضا ہے لیکن نمازوں کی نہیں ہے، ایسا کیوں ہے کہ عورتویں قضا نہیں کریں گی لیکن مرد قضا کریں گے؟ براہِ مہربانی ، صرف فتویٰ نہیں بلکہ ساتھ میں اپنے جواب کا حوالہ ضرور دیجئے۔

جواب نمبر: 3169301-Sep-2020 : تاریخ اشاعت

بسم الله الرحمن الرحيم

فتوی(م): 801=801-5/1432 عورتوں کے ساتھ ایک فطری مجبوری ہے، ہرماہ ان کو حیض کے خون آتے ہیں، ان ایام میں وہ غیراختیاری طور پر ناپاک ہوتی ہیں، اس لیے شریعت نے ان ایام کی نمازوں کو معاف کردیا ہے، ان کی قضا بھی نہیں ہے، البتہ ان ایام کے روزوں کی قضا لازم ہے، اور یہ فرق حدیث سے ثابت ہے: أن امرأة سألتْ عائشة فقالت أتقضي إحدانا الصلاة أیّامَ محیضہا فقالتْ عائشة أحروریة أنتِ قد کانت إحدانا تَحیضُ علی عہد رسول اللہ صلی اللہ علیہ وسلم ثم لا تُوٴمر بقضاء․ (مسلم شریف) مردوں کے ساتھ ایسا کوئی مسئلہ نہیں ہے۔