عنوان: ہم جہاں رہتے ہیں وہاں صرف ایک ہی مسجد ہے جس کے امام یاتو غیر مقلد ہیں یا احمدی ، بہت سے پاکستانی اور مراقش کے لوگ ان کے پیچھے نماز پڑھتے ہیں۔ سوال یہ ہے کہ ہم کیا کریں؟ ،مطلب میرے شوہر کو گھر پر ہی نماز اداکرلینی چاہئے اور وہ امام کے پیچھے نماز پڑھے؟ 

سوال: ہم جہاں رہتے ہیں وہاں صرف ایک ہی مسجد ہے جس کے امام یاتو غیر مقلد ہیں یا احمدی ، بہت سے پاکستانی اور مراقش کے لوگ ان کے پیچھے نماز پڑھتے ہیں۔ سوال یہ ہے کہ ہم کیا کریں؟ ،مطلب میرے شوہر کو گھر پر ہی نماز اداکرلینی چاہئے اور وہ امام کے پیچھے نماز پڑھے؟ 

جواب نمبر: 2580201-Sep-2020 : تاریخ اشاعت

بسم الله الرحمن الرحيم

فتوی(ھ): 2129=744-10/1431

جو غیرمقلد حضرات ائمہ مجتہدین سلف صالحین رحمہم اللہ تعالیٰ کو برا نہ کہتا ہو تقلید ائمہ مجتہدین رحمہم اللہ تعالیٰ کو شرک نہ کہتا ہو، غرض اس قسم کے فجور اور فسق کا مرتکب نہ ہو تو ایسے غیرمقلد کے پیچھے نماز پڑھ لینے کی گنجائش ہے، احمدی سے مراد کون سے فرقہ سے متعلق ہونا ہے؟ اگر احمدی سے مراد یہ ہے کہ وہ مرزا غلام احمد قادیانی کو نبی یا ولی مانتا ہے اور اپنے آپ کو احمدی کہلاتا ہے تو وہ شخص دائرہٴ اسلام ہی سے خارج ہے اس کے پیچھے نماز درست نہ ہوگی، اگر احمدی سے مراد کچھ اور ہو تو اس کو خود امام مذکور فی السوال کے قلم سے لکھواکر سوال دوبارہ کریں۔