عنوان: کیا نماز پڑھتے وقت ٹوپی پہننا ضروری ہے؟اگر ضروری ہے تو براہ کرم، بتائیں کس کتاب میں یہ حدیث مذکور ہے، چونکہ کچھ لوگ جیسے سلفی، شافعی وغیرہ کہتے ہیں کہ یہ ضروری نہیں ہے۔

سوال: کیا نماز پڑھتے وقت ٹوپی پہننا ضروری ہے؟اگر ضروری ہے تو براہ کرم، بتائیں کس کتاب میں یہ حدیث مذکور ہے، چونکہ کچھ لوگ جیسے سلفی، شافعی وغیرہ کہتے ہیں کہ یہ ضروری نہیں ہے۔

جواب نمبر: 2346801-Sep-2020 : تاریخ اشاعت

بسم الله الرحمن الرحيم

فتوی(د):1009=212-7/1431

ٹوپی پہننا مسلمانوں کا شعار ہے، رسول اللہ صلی اللہ علیہ وسلم اور صحابہٴ کرام سے ٹوپی پہننا ثابت ہے، ترمذی شریف کی روایت ہے: عن أبي کبشة قال کان کمام أصحاب رسول اللہ صلی اللہ علیہ وسلم بُطحا رواہ الترمذي کِمام جمع کمة ہي القلنسوة المدورة بطحًا أي مبسوطة علی روٴوسہم ولازقة علی روٴوسہم غیر مرتفعةٍ (مرقاة) وعن رکانة عن النبي صلی اللہ علیہ وسلم قال فرق ما بیننا وبین المشرکین العمائم علی القلانس رواہ الترمذي (مشکاة: ۳۷۴) پہلی روایت سے صحابہٴ کرام کی جماعت کا ٹوپی پہننا ثابت ہوا اور دوسری روایت سے معلوم ہوا کہ عمامہ کے باوجود نیچے ٹوپی پہننا مسلمانوں کا شعار ہے، جب عام حالات میں ٹوپی پہننا ثابت ہوا تو نماز میں بدرجہٴ اولی، اسی لیے فقہاء نے ٹوپی پہننے کو نماز کے آداب میں سے لکھا ہے، اگر احیاناً کبھی بھول جائے تو مضائقہ نہیں؛ لیکن کسل مندی سے اس کا ترک کرنا گناہ ہے۔ قال في الدر وکرہ․․․ وصلاتہ حاسرًا أي کاشفا رأسہ للتکاسل ولا بأس بہ للتذلل وأما للإہانة فکفر اور اس کی عادت ڈالنا سخت گناہ ہے اور استخفافاً ترک کرنے میں اندیشہٴ کفر ہے۔ (شامي: ۱/۴۷۴)