عنوان:

میں اکثر دیکھتا ہوں کہ جب موٴذن اقامت ختم کرتے ہیں تو لوگ حق لاالہ اللہ محمد رسول اللہ کہتے ہیں۔ اس کی کیا حقیقت ہے؟ کیا یہ بدعت ہے؟ اگر یہ بدعت ہے تو لوگوں کو کیسے سمجھایا جائے؟ کیوں کہ اگر منع کریں گے تو کہیں گے کہ دیکھو کلمہ پڑھنے سے منع کررہا ہے؟

سوال:

میں اکثر دیکھتا ہوں کہ جب موٴذن اقامت ختم کرتے ہیں تو لوگ حق لاالہ اللہ محمد رسول اللہ کہتے ہیں۔ اس کی کیا حقیقت ہے؟ کیا یہ بدعت ہے؟ اگر یہ بدعت ہے تو لوگوں کو کیسے سمجھایا جائے؟ کیوں کہ اگر منع کریں گے تو کہیں گے کہ دیکھو کلمہ پڑھنے سے منع کررہا ہے؟

جواب نمبر: 1958801-Sep-2020 : تاریخ اشاعت

بسم الله الرحمن الرحيم

فتوی(د): 272=230-3/1431

ذکر واذکار جس طرح شریعت میں منقول ہیں ان میں رد و بدل کرنا درست نہیں، اقامت کہے جانے کے وقت انھیں کلمات کو دہرانے کا حکم ہے اور حی علی الصلاة حی علی الفلاح کے جواب میں لا حول ولا قوة الا باللہ اور قدقامت الصلاة کے جواب میں اقامہا اللہ وادامہا کہنے کا حکم ہے اور اقامت ختم ہوجانے پر تکبیر تحریمہ کہہ کر نماز میں شامل ہوں۔ اس کے علاوہ درمیان میں اور کوئی کلمہ کہنا خلاف حکم شریعت ہے اس لیے احتراز چاہیے۔

جو لوگ کہتے ہیں انھیں نرمی اورحکمت سے علاحدہ لیجاکر سمجھادیں اور حکم شریعت بتلادیں۔