عنوان: پیشاب بار بار آنے كی صورت میں نماز كا حكم؟

سوال: حضرت ایک عورت کی پیشاب کی نالی کا آپریشن ہوا ہے اس کے بعد ڈاکٹر نے مستقل ایک بیگ ٹانگ دیا ہے جس میں پیشاب بلا اختیار آتا ہے ایسی حالت میں نماز کس طرح ادا کریں؟

جواب نمبر: 17753301-Sep-2020 : تاریخ اشاعت

بسم الله الرحمن الرحيم

Fatwa : 678-558/D=08/1441

جب بیگ میں پیشاب بلا اختیار آتا رہتا ہے تو وہ عورت معذور شرعی قرار دی جائے گی جس کے لئے حکم یہ ہے کہ نماز کا نیا وقت داخل ہونے کے بعد وضو کرے (خواہ پیشاب کا قطرہ آتا رہے) اور اس وضو سے وقت کے اندر جتنی چاہے فرض نفل نمازیں ادا کرے قطرہ آنے سے وضو نہیں ٹوٹے گا؛ البتہ کوئی دوسرا ناقض مثلا خروج ریح پایا گیا تو اس سے وضو ٹوٹ جائے گا۔ اسی طرح نماز کا وقت ختم ہو جانے سے بھی وضو ختم ہو جائے گا نئے وقت میں پھر نیا وضو کرنا ہوگا۔