عنوان: نماز میں قرات کی ترتیب كی ترتیب سے متعلق

سوال: پہلی رکعت کی قرات میں جو سورہ پڑھی گئی کیا دوسری رکعت کی قرات میں اس سے اگلی سورت پڑھی جا سکتی ہے یا بیچ میں دو دو تین سورتوں کا وقفہ رکھنا چاہئے جیسے پہلی رکعت میں سورہ نصر پڑھی دوسری میں سورہ لہب2۔کیا پہلی رکعت میں چھوٹی سورت اور دوسری رکعت میں بڑی سورت پڑھ سکتے ہیں گنجائش ہے ؟ 3۔ہمارے مسجد کے امام ہیں حنفی مسلک کے جو نیت بندے کے دوران ہاتھ کان تک نہیں بلکہ تھوڑی تک اٹھا لیتے ہیں کیا ایسا ٹھیک ہے ؟

جواب نمبر: 17057101-Sep-2020 : تاریخ اشاعت

بسم الله الرحمن الرحيم

Fatwa : 1059-997/H=10/1440

(۱) دو تین سورتوں کا وقفہ ضروری نہیں متصل اگلی والی سورت پڑھ سکتے ہیں پس پہلی رکعت میں سورہٴ نصر اور دوسری میں سورہٴ لہب پڑھنا بلاکراہت درست ہے۔

(۲) اگر معمولی سی بڑی ہو تب تو کچھ حرج نہیں؛ البتہ اتنی بڑی نہ ہو کہ دوسری رکعت میں جو سورت پڑھی گئی اس میں پہلی رکعت پر زیادتی والے حروف پہلی رکعت والی سورت کے نصف کے بقدر یا اس سے زائد ہو جائیں اتنی بڑی سورت دوسری رکعت میں پڑھنا مکروہ ہے۔ کذا فی رد المحتار فی الفصل فی القرأ ة: ۱/۵۴۳، (ط: ایچ ایم سعید) ۔

(۳) ہتھیلیوں کا رخ قبلہ کی طرف رہے اور دونوں ہاتھوں کے انگوٹھے دونوں کانوں کے برابر رہیں یہ سنت ہے۔ کذا فی رد الحتار وغیرہا۔