عنوان: بے نمازی کا ضرر دوسروں کو كیا ہوسكتا ہے؟

سوال: سوال یہ ہے کہ ایک تارک الصلوة آدمی سے دوسروں کو کیا نقصان ہوگا اس کے زندگی میں زندوں کو اور مرنے کے بعد اہل قبرستان کو ؟براہ کرم، تفصیل سے جلد از جلد جواب دے دیجیئے ۔

جواب نمبر: 17040701-Sep-2020 : تاریخ اشاعت

بسم الله الرحمن الرحيم

Fatwa:915-915/SN=9/1440

ترک نماز گناہ اور حد درجہ فسق ہے، جو شخص نماز چھوڑے گا اس کا وبال تو خود اسی کو بھگتنا پڑے گا، دوسرا نہیں بھگتے گا، قرآن کریم میں ہے: ولا تزر وازرة وزر أخری (النجم) لیکن ایسے آدمی کے ساتھ اختلاط سے دوسروں کو بھی بچنا چاہیے؛ کیونکہ فسق وفجور میں مبتلا شخص کے ساتھ اختلاط کی وجہ سے بسا اوقات دوسروں کے اندر بھی محسوس یا غیر محسوس طریقے پر وہ برائی پیدا ہوجاتی ہے، نیز اس میں اور بھی مفاسد ہیں۔