عنوان: كیا امام کے آگے اذان دینے سے اذان نہیں ہوتی؟

سوال: کیا فرماتے ہیں مفتیان کرام مسئلہ ذیل کے بارے میں ہماری مسجد میں مائک سسٹم پیش امام کے آگے ہے اور پیش امام کے آگے ہی اذان دیتے ہیں بعض لوگوں کا کہنا ہے کہ پیش امام کے آگے اذان نہیں ہوتی اس لئے آپ سے مؤدبانہ درخواست ہے کہ تسلی بخش جواب دے کر شکریہ کا موقع عنایت فرمائیں۔

جواب نمبر: 16869701-Sep-2020 : تاریخ اشاعت

بسم الله الرحمن الرحيم

Fatwa : 673-589/H=06/1440

اذان میں کوئی ایسا کام نہیں کہ جو امام یا مسجد کی شان کے خلاف ہو اگر مائک سسٹم امام کے کھڑے ہونے کی جگہ سے آگے کی جہت میں ہے اور وہاں مائک سے اذان پڑھ دی جاتی ہے تو کچھ حرج نہیں اذان ہو جاتی ہے۔ قال ابن سعد بالسند الیٰ ام زید ابن ثابت کان بیتی اطول بیت حول المسجد فکان بلال یوٴذن فوقہ من اول ما اذن الیٰ ان بنی رسول اللہ صلی اللہ علیہ وسلم مسجدہ فکان یوٴذن بعد علی ظہر المسجد وقد رجع لہ شیء فوق ظہرہ اھ (باب الاذان من الفتاویٰ رد المحتار: ۱/۲۵۹، مطبوعہ نعمانیہ) ۔