عبادات >> صلاة (نماز)
سوال نمبر: 167391
جواب نمبر: 167391
بسم الله الرحمن الرحيم
Fatwa : 357-293/SN=04/1440
جس طرح وقتیہ فرض نماز ادا کی جاتی ہے اسی طرح قضا نماز بھی ادا کی جائے گی مثلاً اگر کسی کی ظہر کی نماز فوت ہو جائے تو قضا کرتے وقت اوّلاً دو رکعت سورہٴ فاتحہ اور سورت ملاکر پڑھے گا پھر اخیر کی دو رکعتیں صرف سورہٴ فاتحہ کے ساتھ پڑھے گا ، سورت نہیں ملائے گا جیسے ادا نماز میں کیا جاتا ہے۔ تعلیم الاسلام (از حضرت مولانا مفتی کفایت اللہ صاحب رحمہ اللہ ) اور بہشتی زیور (از حضرت تھانوی رحمہ اللہ) میں ادا و قضاء نماز کے طریقے نیز نماز وغیرہ کے ضروری مسائل آسان انداز میں موجود ہیں، یہ کتابیں حاصل کرکے مطالعہ کر ڈالیں، بڑا فائدہ ہوگا۔
واللہ تعالیٰ اعلم
دارالافتاء،
دارالعلوم دیوبند