عبادات >> صلاة (نماز)
سوال نمبر: 165148
جواب نمبر: 165148
بسم الله الرحمن الرحيم
Fatwa:38-85/sd=2/1440
اگر آپ مسافر ہیں، یعنی ایک جگہ پندرہ دن ٹھہرنے کی یقینی نیت نہیں ہے ، جیساکہ سوال سے بظاہر ایسا ہی معلوم ہوتا ہے ، تو آپ کے لیے قصر ضروری ہے ، لہذا مسجد میں اگر امام مسافر ہے اور وہ قصر پڑھاتا ہے ، تو اُس کے ساتھ جماعت سے نماز پڑھنا درست ہے ؛ البتہ ظہر ، عصر اور مغرب اور عشاء چاروں نمازوں کو اُن کا وقت شروع ہونے پر پڑھنا چاہیے ، ظہر کے وقت میں عصر کی نماز یامغرب کے وقت میں عشاء کی نماز صحیح نہیں ہوگی ۔
واللہ تعالیٰ اعلم
دارالافتاء،
دارالعلوم دیوبند