عنوان: امام نے دعائے قنوت پڑھے بغیر رکوع کر دیا پھر لقمہ دینے سے واپس آگیا تو كیا سجدہٴ سہو سے نماز ہوجائے گی؟

سوال: اگر کوئی آدمی وتر پڑھا رہا تھا اور دعائے قنوت پڑھے بغیر رکوع کر دیا پھر مقتدی کے لقمہ دینے کی وجہ سے پھر سے قیام میں لوٹ آیا اور سجدہ سہو کر لیا تو کیا نماز ہو جائے گی اور اگر وہ رکوع میں ہی رہا اور کچھ مقتدی رکوع میں نہیں گئے تو ان مقتدیوں کا کیا حکم ہے ؟

جواب نمبر: 16312101-Sep-2020 : تاریخ اشاعت

بسم الله الرحمن الرحيم

Fatwa:965-837/SN=11/1439

(۱) جی ہاں! راجح قول کے مطابق اس صورت میں نماز ہوجائے گی۔

(۲) اگر امام رکوع ہی میں رہا، لقمہ دینے کے باوجود کھڑا نہیں ہوا اور اخیر نماز میں سجدہٴ سہو کرلیا تب بھی نماز ہوجائے گی؛ بلکہ امام کو ایسا ہی کرنا چاہیے، البتہ مقتدیوں میں سے جن لوگوں نے امام کے ساتھ یا امام کے بعد بالکل رکوع نہیں کیا۔ صورت مسئولہ میں ان کی نماز نہ ہوگی، انھیں اپنی نماز دوبارہ پڑھنی ہوگی۔