عنوان: فجر کی نماز کا شوق پیدا کرنے کے لیے پابندی سے آنے والوں کو انعام دینا؟

سوال: کیا فرماتے ہیں مفتیان کرام مسئلہ ذیل کے بارے میں کہ صرف ہماری گلی کی مسجد میں بڑوں کو فجر کی نماز کا شوق دلانے کے لئے جیسے بچوں کو کچھ تقسیم کیا جاتا ہے ویسے ہی بڑوں کو بریڈ یا کوئی ایسی چیز تقسیم کرنا جس سے وہ نماز فجر میں بھی پا بندی سے آئیں،یہ عمل کیسا ہے ؟

جواب نمبر: 16018601-Sep-2020 : تاریخ اشاعت

بسم الله الرحمن الرحيم

Fatwa:725-623/D=7/1439

کوئی شخص اپنی ذاتی رقم سے اتفاقاً کبھی یا کچھ روز کسی مسجد میں اس قسم کا انعام دیدے تو اس کی گنجائش ہے یعنی یہ انعام دینا ناجائز نہیں کہلائے گا، لیکن اس مقصد کے لیے چندہ کرنا یا مسجد کی رقم سے دینا ہرگز جائز نہیں، اسی طرح پہلی صورت میں اسے رسم بنالینا یا دوسری مسجدوں میں اسے رواج دینے کی تدبیر و کوشش کرنا جائز نہیں۔