عنوان: نماز استخارہ کا حکم؟

سوال: مجھے یہ جاننا تھا کہ استخارہ کی نماز پڑھنا کیسا ہے؟ کیا ہم استخارہ کی نماز ادا کرسکتے ہیں؟ یا اجازت نہیں ہے؟ میرا ایک اور سوال ہے، کچھ مولانا کہتے ہیں کہ الکحل پرفیوم لگاسکتے ہیں اور کچھ منع کرتے ہیں، صحیح کیا ہے؟ براہ کرم، اس پر بھی روشنی ڈالیں۔

جواب نمبر: 15992001-Sep-2020 : تاریخ اشاعت

بسم الله الرحمن الرحيم

Fatwa:777-580/sn=7/1439

جب کوئی معاملہ پیش آئے جس کے اختیار کرنے یا نہ کرنے میں تردد ہو اس وقت دو رکعت استخارے کی نماز پڑھ کر اللہ تعالیٰ سے جانب خیر کی طرف رہنمائی کرنے کی دعا کرنا شرعاً مسنون ہے، اللہ کے رسول صلی اللہ علیہ وسلم نے اس کی ترغیب دی ہے (شامی: ۲/۲۶، بیروت) استخارے کی نماز پڑھنا نہ کہ صرف جائز بلکہ سنت ہے، بہشتی زیور اختری (۲/۳۳) وغیرہ میں استخارے کی دعا اور اس کا طریقہ مذکور ہے، اسے ملاحظہ فرمالیں اور بہ وقت ضرورت اس کے مطابق استخارہ کی نماز ادا کیا کریں۔

(۲) الکوحل پر مشتمل پرفیوم استعمال کرنے کی علماء نے گنجائش دی ہے؛ لہٰذا آپ اسے استعمال کرسکتے ہیں۔ (دیکھیں: حاشیة فتاوی دارالعلوم ترتیب جدید: ۱/ ۲۲ ۲تا ۲۲۴)