عنوان: جس شخص کی ایک یا اس سے زائد رکعت چھوٹ جائے وہ امام كے ساتھ قعدہ اخیرہ میں كیا كرے؟

سوال: اگر کسی کی ایک رکعت نکل جائے باجماعت تو جب امام سلام پھیرے تو صرف تشہد پڑھے؟ اور جب امام سلام پھیرے تو اپنی رکعت پوری کرے یا درود اور دعائے ماثورہ (اللہم انی ظلمت نفسی الخ) بھی پڑھے؟

جواب نمبر: 15671401-Sep-2020 : تاریخ اشاعت

بسم الله الرحمن الرحيم

Fatwa:299-315/sn=4/1439

جس شخص کی ایک یا اس سے زائد رکعت چھوٹ جائے وہ امام کے قعدہٴ اخیرہ میں تشہد کے بعد درود اور دعائے ماثورہ نہیں پڑھے گا؛ بلکہ صرف تشہد پڑھے گا البتہ تشہد کو اتنا آہستہ پڑھے گا کہ اس کے ختم ہوتے ہوتے امام سلام پھیردے، اگر تشہد ختم ہوجائے اور امام سلام نہ پھیرے تو أشہد أن لا إلہ إلا اللہ الخ کو دہراتا رہے؛ تاکہ امام سلام پھیردے، امام کے سلام کے بعد کھڑا ہوکر مابقیہ نماز ادا کرے گا۔ إن المسبوق ببعض الرکعات یتابع الإمام في التشہد الأخیر وإذا أتم التشہد لا یشتغل بما بعدہ من الدعوات ثم ما ذا یفعل تکلموا فیہ وعن ابن شجاع أنہ یکرر التشہد أي قولہ أشہد أن لا إلہ إلا اللہ وہو المختار کذا في الغیاثیة والصحیح أن المسبوق یترسّل في التشہد حتی یفرغ عند سلام الإمام کذا في الوجیز للکردري وفتاوی قاضیخاں (ہندیة: ۱/ ۹۱، ط: زکریا)