• عبادات >> صلاة (نماز)

    سوال نمبر: 155805

    عنوان: دورانِ سفر ٹرین میں عورت کی نماز کا حکم

    سوال: حضرت، اگر کوئی عورت ٹرین میں سفر کر رہی ہو تو وہ کس طرح سے غیر محرموں اور غیر مسلموں (خواہ وہ مرد ہوں یا عورت) کے بیچ نماز ادا کرے، جیساکہ میری معلومات کے مطابق عورت کو نماز غیرمحرموں کے بیچ چھپ کے ادا کرنے کا حکم ہے، تو کیا وہ ٹرین میں کھڑی ہو کر فرض نماز ادا کرے؟ یا کسی کونے میں بیٹھ کر ادا کرلے؟ براہ کرم جلد از جلد جواب دیں۔ جزاک اللہ خیر

    جواب نمبر: 155805

    بسم الله الرحمن الرحيم

    Fatwa:177-178/L=3/1439

    عورت ٹرین میں حتی الوسع پردہ کے اہتمام کے ساتھ کھڑے ہوکر کسی مناسب جگہ میں نماز ادا کرلے، قریب میں غیرمحرموں کا ہونا جوازِ صلات میں مانع نہیں۔ قیام پر قدرت کے باوجود بیٹھ کر نماز پڑھنا جائز نہیں، اگر بیٹھ کر نماز پڑھ لیتی ہے تو اس کا اعادہ ضروری ہوگا۔ ومنہا القیام فی فرض لقادر علیہ․․ (شامی: ۱/۱۴۲ط ایچ ایم سعید کمپنی)


    واللہ تعالیٰ اعلم


    دارالافتاء،
    دارالعلوم دیوبند