عبادات >> صلاة (نماز)
سوال نمبر: 150838
جواب نمبر: 150838
بسم الله الرحمن الرحيم
Fatwa: 1008-1043/M=9/1438
صورت مسئولہ میں عصر کی نماز کے ساتھ عصر ہی کے وقت میں مغرب کی نماز پڑھ لینا جائز نہیں، قرآن میں ہے: إِنَّ الصَّلَاةَ کَانَتْ عَلَی الْمُؤْمِنِینَ کِتَابًا مَوْقُوتًا․ (نساء: ۱۰۳) ”بے شک نماز مسلمانوں پر فرض ہے اپنے مقررہ وقتوں میں“ آپ اگر دہلی ہی میں کام کرتے ہیں اور ڈیوٹی کا وقت شام ۷بجے سے شروع ہوتا ہے تو آپ دفتر پہنچ کر مغرب کی نماز ادا کرسکتے ہیں کیوں کہ آجل کل کے موسم کے اعتبار سے مغرب کا وقت بھی تقریباً ۷بجے شروع ہورہا ہے تو دفتر پہنچنے کے بعد بھی تقریباً مغرب کا پورا وقت مل جاتا ہوگا؛ لہٰذا وقت سے پہلے پڑھنا درست نہیں، اگر مغرب اول وقت میں پڑھنا ممکن نہ ہو تو درمیانی یا آخری وقت میں پڑھ سکتے ہیں۔
واللہ تعالیٰ اعلم
دارالافتاء،
دارالعلوم دیوبند