عنوان: فجر کی سنت پڑھے بغیر فرض پڑھانا؟

سوال: معزز علماء کرام کیا فرماتے ہیں مسئلہ ذیل میں کہ فجر کی جماعت کا وقت 5:45 ہیں اوراگر جماعت کا وقت ہو جائے تو کیا سنت ادا کئے بغیر امامت کرنا درست ہے ؟ جواب مدلل مع عربی متن و ترجمہ تحریر فرمائیں۔

جواب نمبر: 14554501-Sep-2020 : تاریخ اشاعت

بسم الله الرحمن الرحيم

Fatwa ID: 057-075/M=2/1438

اگر امام فجر کی سنت پڑھے بغیر فجر کی فرض نماز پڑھادے تو نماز تو درست ہو جائے گی لیکن فجر کی سنت چھوڑنی نہ چاہئے یہ بہت موکدہ سنت ہے اور اس کی بڑی تاکید آئی ہے اگر جماعت کا وقت ہوگیا اور سنت پڑھنے کا موقع نہیں تو امام کو چاہئے کہ کسی دوسرے شخص کو امامت کے لیے بڑھادے جو لائق ہو اور خود ایک کنارے ہو کر سنت ادا کرلے اور اگر مجمع میں کوئی ایسا شخص نہیں جو نماز پڑھا سکے تو کسی کو نہ بڑھائے خود جلدی سے سنت ادا کرلے پھر نماز پڑھانے کے لیے بڑھ جائے مقتدیوں کو بھی چاہئے کہ ایسی صورت میں ایک دو منٹ تک امام کا انتظار کرلیں۔