معاشرت >> اخلاق و آداب
سوال نمبر: 51932
جواب نمبر: 51932
بسم الله الرحمن الرحيم
Fatwa ID: 549-433/D=5/1435-U ماں کا احترام اور ان کی تعظیم حد درجہ واجب اور ضروری ہے، اللہ تعالیٰ کی عبادت کے بعد والدین کے ساتھ حسن سلوک کو واجب قرار دیا گیا ہے، اور ان کی نافرمانی کو گناہ کبیرہ بتلایا گیا ہے، نیز ان کی شان میں ادنی بے ادبی اور گستاخی کو روا نہیں رکھا گیا، حتی کہ کسی بات کے جواب میں اُف کہنا بھی منع ہے، جس ماں کے پیروں کے نیچے جنت بتلائی گئی ہو ایسی ماں کی شان میں ایسے شرمناک اور بیہودہ الفاظ بولنا اسلام کی نظر میں سنگین جرم اور بدترین گناہ ہے، اللہ کے غضب کا مستحق بنانے والا ہے، پس شخص مذکور کو اگر وہ پاگل اور مجنون نہیں ہوا ہے آنکھیں کھولنی چاہیے اورآنسو بہاکر اپنے گناہوں سے توبہ کرنا فرض ہے، اور ماں بہن سے معافی مانگنا واجب اور لازم ہے، ورنہ والدہ کی شان میں گستاخی اسے جہنم کا ایندھن بنادے گی، سوا ل میں جو الفاظ لکھے گئے ہیں ان میں ایمان سے خارج ہونے یا نکاح کے ٹوٹنے کی کوئی بات نہیں ہے، البتہ جس شخص کا قلب ایسا سیاہ اور آنکھیں اندھی ہوچکی ہوں اس کے سلب ایمان کا خطرہ ضرور ہے۔ اللہم احفظنا۔
واللہ تعالیٰ اعلم
دارالافتاء،
دارالعلوم دیوبند