عنوان:

فی كونٹل گوشت كی قیمت طے كركے عقیقہ كی نیت سے بكرا ذبح كرنا؟

سوال:

کیا فرماتے ہیں مفتیان کرام مسئلہ ذیل میں کہ ہمارے یہاں لوگ شادی بیاہ میں لوگ برادری کو کھانا کھلاتے ہیں اس میں گوشت والے سے فی کوئنٹل گوشت کی قیمت طے کرلیتے ہیں جب گوشت والا بکری ذبح کرنے کے لئے لے کر آتا ہے تو اسی میں سے عمدہ قسم کی بکریاں چھانٹ کر(بغیر خریدے ھوئے) عقیقہ کی دعا پڑھ کر بچوں کا عقیقہ کرتے ہیں پھر بکری کا گوشت وزن کرکے گوشت کی قیمت اور اور سری پائے اور چرم کی الگ الگ قیمت ادا کرتے ہیں دریافت طلب امر یہ ہیکہ درج بالا صورت کے مطابق عقیقہ کرنا کیسا ہے اس صورت میں بچے کا عقیقہ ہو گا یا نہیں ؟قرآن وحدیث کی روشنی میں مدلل ومفصل جواب عنایت فرمائیں۔

جواب نمبر: 60393406-Apr-2021 : تاریخ اشاعت

بسم الله الرحمن الرحيم

Fatwa : 677-561/D=08/1442

 قربانی یا عقیقہ کے لیے ذبح کرتے وقت ضروری ہے کہ جانور اس کی ملکیت میں ہو جو قربانی یا عقیقہ کررہا ہے۔ صورت مسئولہ میں جانور قصائی کی ملکیت ہے، ذبح ہونے کے بعد جب وزن کرکے خریداری ہوگی تب خریدار کی ملکیت بنے گا، پس اس پر عقیقہ کی نیت صحیح نہیں ہوئی۔