English اردو

  • عبادات >> ذبیحہ وقربانی

    سوال نمبر: 49126

    عنوان: قربانی کے ساتھ ساتھ عقیقہ بھی ہوسکتاہے؟

    سوال: قربانی کے ساتھ ساتھ عقیقہ بھی ہوسکتاہے؟ یا پھر دونوں کے لیے الگ الگ جانور شرط ہے؟ مثلاً اگر لڑکے کا عقیقہ کرنا ہے تو کیا دو جانور شرط ہے؟ یا پھر دو جانور عقیقہ کے لیے اور پھر ایک جانور قربانی کے لیے ؟ آپ سے التجا ہے کہ آپ اس مسئلہ کا حل بتائیں، اگر کوئی دلیل سے ثابت ہو تو گذارش ہے کہ وہ بھی بتائیں؟

    جواب نمبر: 49126

    بسم الله الرحمن الرحيم

    Fatwa ID: 1509-1509/M=1/1435-U بڑے جانور جیسے گائے، بھینس وغیرہ میں قربانی کے ساتھ عقیقہ بھی ہوسکتا ہے، لیکن اگر چھوٹا جانور ہے مثلاً بکرا، بکری، دنبہ وغیرہ تو اس میں یا تو صرف قربانی ہوسکتی ہے یا صرف عقیقہ ہوسکتا ہے، اگر آپ بڑے جانور میں اپنی قربانی اور لڑکے کا عقیقہ کرنا چاہتے ہیں تو ایک ہی جانور کافی ہے اوراگر چھوٹے جانور میں عقیقہ کرنا چاہتے ہیں تو قربانی کے لیے الگ حصہ یا جانور کرنا ہوگا، اگر استطاعت ہے تو لڑکے کے عقیقہ میں دو بکرا یا بکری کرنا چاہیے۔


    واللہ تعالیٰ اعلم


    دارالافتاء،
    دارالعلوم دیوبند
دارالافتاء، دارالعلوم دیوبند، انڈیا © 2020
اس ویب سائٹ کا استعمال اس بات کی علامت ہے کہ آپ استعمال کی شرائط سے متفق ہیں