عنوان: کوشش کرکے ان دونوں کی باہمی کشیدگی کو ختم کریں

سوال: میری مسجد کے چار دوست ہیں ، ہوا یہ کہ دو کے بیچ کسی بات کو لے کر تھوڑا کہا سنی ہوگئی ہے ، اب جب میں ایک سے بات کرتاہوں تو دوسرا ناراض ہوجاتاہے اور دوسرے سے بات کرتاہوں تیسرا ناراض ہوجاتاہے، میں کیا کروں؟ میں نماز پڑ ھ کر نظر نیچے کرکے گھر آسکتاہوں، کسی کو برا تو نہیں لگنا چاہئے؟ میں کیا کروں؟ مہربانی کرکے جواب دیں۔

جواب نمبر: 6539601-Sep-2020 : تاریخ اشاعت

بسم الله الرحمن الرحيم

Fatwa ID: 777-718/Sn=8/1437 آپ کے لیے بہتر ہے کہ کوشش کرکے ان دونوں کی باہمی کشیدگی کو ختم کریں، اس پر ان شاء اللہ آپ کو بہت اجر ملے گا، حدیث میں ”نزاعات“ کو ختم کرنے کی کوشش کرنے والے کے حق میں بڑی فضیلت آئی ہے، اگر کوشش کے باوجود ناراضگی ختم نہ ہو تو آپ حسب سابق اپنے تمام دوستوں سے دعا سلام جاری رکھیں، کسی کی ناراضگی کی پرواہ نہ کریں، یہ ناراضگی بے محل ہے، اس کی کوئی شرعی بنیاد نہیں ہے۔