عنوان: خواب میں سفید گھوڑے دیكھنا

سوال: (۱)میں نے خواب میں خود کو اور اپنے والد کو سفید گھوڑے پر جاتے ہوئے دیکھا، ہمارے ساتھ ایک اور شخص دوسرے گھوڑے پر بھی تھا جو کہ صحابہ میں سے تھا اور اس جگہ جنگ ہورہی تھی ، وہ ہمیں جنگ سے بچا کر ایک مٹی کے بنے ہوئے کمرہ کے سامنے لے گیا ، خود اترا اور میرے لیے درواز کھول دیا جو کہ لکڑی کا بنا تھا ، اندر دوقدم تھے اور سامنے حضرت محمد صلی اللہ علیہ وسلم کھڑے تھے اور ان کے دائیں طرف ابوبکر صدیق رضی اللہ عنہ اور بائیں جانب حضرت عمر فاروق رضی اللہ عنہ تھے، میں نے بھاگ کر حضرت ابو بکر کو اپنے سینے س لگا لیا ، کیوں کہ وہ میرے آنے کا انتظارکررہے تھے پر میں نے حضرت محمد صلی اللہ علیہ وسلم کا چہرہ نہیں دیکھ سکاجس پر میں دکھی ہوں۔ (۲) میں صبح کے وقت خواب میں خود کو دعا مانگتا دیکھتاہوں کہ اے اللہ اب تو مسلمانوں کی طرف اپنی مددکر، مجھے ایک شخص کہتاہے کہ جب امام مہدی آئیں گے تو تم لوگ ہی ان کی مخالفت کروگے ، میں کہتاہوں ، ہاں ہم لوگ کیوں، ہم تو مسلمان ہیں۔ براہ کرم، دونوں خواب کی تعبیر بتائیں۔

جواب نمبر: 6126101-Sep-2020 : تاریخ اشاعت

بسم الله الرحمن الرحيم

Fatwa ID: 909-874/Sn=1/1437-U (۱، ۲) ماشاء اللہ دونوں مبارک خواب ہیں، یہ آپ کے حق میں مبشّرات میں سے ہیں، اتباعِ سنت کی طرف خوب توجہ دیں، ان شاء اللہ آپ صلی اللہ علیہ وسلم کے چہرہٴ انور کی زیارت نصیب ہوگی۔