متفرقات >> دیگر
سوال نمبر: 61239
جواب نمبر: 61239
بسم الله الرحمن الرحيم
Fatwa ID: 1164-247/D=12/1436-U (۱) حضرت حذیفہ رضی اللہ عنہ کی طرف منسوب مشہور مقولہ کا اصل حوالہ تلاش بسیار کے باوجود نہیں مل سکا، البتہ اس طرح کا ایک واقعہ ابن ابی عاصم نے حضرت معقل بن یسار رضی اللہ عنہ کے حوالہ سے نقل کیا ہے جس کے الفاظ یہ ہیں: کان معقل بن یسار رضي اللہ عنہ عند بعض الدہاقین فصنعوا لہ طعاما فجعل یأکل فسقط لقمة عن یدہ فأخذہا فأماط ما کان علیہا من أذی فقال بعضہم أما کان فیما بین یدیہ ما یکفیہ حتی یأخذ ہذہ اللقمة من الأض فیأکلہا فقال معقل بن یسار رضي اللہ عنہ ما ألتفت إلی کلام ہذہ الأعاجم إنی سمعت رسول اللہ صلی اللہ علیہ وسلم یقول: إذا سقط لقمة أحدکم فلیمط ما کان علیہ من الأذی ولیأکلہا․ (الآحاد والمثاني لابن أبي عاصم: ۲/۳۲۲، رقم: ۱۰۸۹، ذکر معقل بن یسار) (۲) حضرت علی رضی اللہ عنہ کے اس واقعہ کو حضرت شیخ نے بزرگوں کے واقعات کے ضمن میں نقل کیا ہے، اور اس طرح کے واقعات کے بارے میں خود حضرت شیخ آگے چل کر فرماتے ہیں: باقی صوفیہ کرام کے واقعات تو تاریخی حیثیت رکھتے ہی ہیں اور ظاہر ہے کہ تاریخ کا درجہ حدیث کے درجے سے کہیں کم ہے۔ (فضائل نماز: ص ۸۳ آخری گذارش) لہٰذا واقعہ کا ثبوت حدیث کی طرح سند کے ساتھ ضروری نہیں ہے، تسلسل اور شہرت کی بنا پر بھی ذکر کیا جاسکتا ہے تاہم اس کا اصل مأخذ ہمارے علم میں نہیں ہے۔
واللہ تعالیٰ اعلم
دارالافتاء،
دارالعلوم دیوبند