متعلقہ سوالات

میں اپنے خواب میں اللہ کو دیکھنا چاہتاہوں۔ یہ کیسے ممکن ہے برائے کرم مجھے تفصیل سے جواب عنایت فرماویں۔ میں صرف اللہ کو اپنے خواب میں دیکھنا چاہتاہوں نہ کہ شیطان مردود کو۔

میں [پگڑی سسٹم] کے بارے میں جاننا چاہتاہوں جو کہ ہندو پاک میں پراپرٹی کے معاملات کے لین دین کے لیے کیا جاتا ہے۔ اگر یہ جائز نہیں ہے تو برائے کرم آپ مجھ کو اسلامی اصول یا کسی عالم کے فتوی کا حوالہ دیں جس بنیاد پر یہ ناجائز ہے؟ آپ کا تفصیلی جواب بہت سارے ان لوگوں کے لیے معاون ہوگا جو کہ اس طرح کے سسٹم میں ملوث ہیں؟

کیا کسی بے نمازی شخص کو نبی کریم صلی اللہ علیہ وسلم کا دیدار ہوسکتاہے؟ میرے ایک دوست کو خواب میں نبی کریم صلی اللہ علیہ وسلم کا دیدا ر ہوا۔ در اصل خواب میں اسے آپ صلی اللہ علیہ وسلم نظر آئے۔ آپ صلی اللہ علیہ وسلم نے کچھ بات نہیں کی، مگر ساتھ میں کھڑے ایک شخص نے کہا کہ یہ نبی کریم صلی اللہ علیہ وسلم ہیں۔ (اور جس جگہ پر آپ صلی اللہ علیہ وسلم کا دیدار ہوا وہ ہمارے گاؤں کی اردو اسکول تھی)۔ جب آنکھ کھلی تو میرا دوست ایکدم گھبرایا ہوا تھا۔ (آپ صلی اللہ علیہ وسلم کا جسم خوبصورت تھا، ویسے گورا نہیں تھا مگر حسین تھا،اور ایک دم تندرست تھا) ویسے تو پورا یقین ہے کہ وہ نبی کریم صلی اللہ علیہ وسلم ہی تھے۔ یاد رہے کہ میرا دوست نماز کا پابندنہیں ہے مگر دل کا بہت اچھا ہے۔ مجھے یہ معلوم کرنا ہے کہ کیا حقیقت میں وہ نبی کریم صلی اللہ علیہ وسلم ہی تھے یا کوئی اور تھے؟