عنوان:

کیا طلبہ وطالبات باہم سلام کرسکتے ہیں؟

سوال:

کیا “کو ایجوکیشن” (مخلوط تعلیمی نظام) میں کلاس فیلوز لڑکے اور لڑکیاں آپس میں ایک دوسرے کو سلام کرسکتے ہیں کہ نہیں؟

جواب نمبر: 60679621-Oct-2021 : تاریخ اشاعت

بسم الله الرحمن الرحيم

Fatwa : 254-180/D=03/1443

 شرعاً ایک مسلمان بالغ لڑکی کو غیرمحرم مردوں سے پردہ کرنا چاہئے، بلاضرورت غیرمحرم سے بات چیت کرنے سے احتراز کرے۔

غیرمحرم اور اجنبی لڑکیوں کو سلام نہیں کرنا چاہئے، اور اگر کسی نے سلام کردیا تو ان مذکورہ عورتوں کو جواب نہیں دینا چاہئے؛ البتہ دل میں جواب دینے کی گنجائش ہے۔

اسی طرح ان لڑکیوں کو اجنبی اور غیرمحرم لڑکوں کو سلام نہیں کرنا چاہئے، اور اگر لڑکیاں سلام کردیں تو دل میں جواب دے، زبان سے جواب دینا مکروہ ہے۔