متفرقات >> دیگر
سوال نمبر: 603112
حضرت میں خواب دیکھتا ہوں کہ سیڑھیاں چڑھ رہا ہوں تو ایک سانپ دو جانوروں کو کنڈلی مارے بیٹھا ہے میں اسے نظر انداز کر کے اوپر جاتا ہوں تو میری بہن مجھے کہتی ہے کہ وہ سانپ پکڑو میں کہتا ہوں کہ نہیں میں نہیں پکڑ سکتا وہ خود پکڑ لاتی ہے اور پتا نہیں کیا کہتی ہے کہ یہ کام کر دینا نہیں تو یہ سیاہ ہو جائے گا(یا کوئی ایسی بات جزیات یاد نہیں) یہ دیکھو اس کا سر سیاہ ہونے لگ گیا ہے (سانپ بھورے رنگ کا تھا) اس کے بعد مجھ فکر ہونے لگ جاتی ہے کہ کہیں ہمارے لاونج میں نہ چلا جائے میں ڈنڈا لاتا ہوں اسے مارنے کے لیے اور میری آنکھ کھل جاتی ہے براہ کرم تعبیر بیان کر دیں۔ جزاکم اللہ احسن الجزا
جواب نمبر: 603112
بسم الله الرحمن الرحيم
Fatwa : 599-401/SN=07/1442
اہل تعبیر نے ”سانپ“ کی تعبیر ”دشمن“ سے دی ہے، بہرحال خواب کوئی شرعی حجت نہیں ہے اور نہ ہی ہر تعبیر یقینی ہوتی ہے؛ اس لیے آپ لوگ پریشان نہ ہوں، بس چوکنا رہنے کی کوشش کریں، نیز صبح و شام کی مسنون دعاوٴں کا اہتمام کریں، اللہ نے چاہا تو کوئی گزند نہ پہنچے گا۔
واللہ تعالیٰ اعلم
دارالافتاء،
دارالعلوم دیوبند