متعلقہ سوالات

مجھے یہ خواب سات آٹھ دن سے مسلسل آرہا ہے۔ خواب یہ ہے کہ میرے پیچھے ایک بیل لگ جاتا ہے اور میں بہت بھاگتا ہوں اتنا بھاگتا ہوں کہ تھک کر گر جاتا ہوں۔ بیل قریب آکر مجھے ٹکرمارنے لگتا ہے تو میری آنکھ کھل جاتی ہے او رمیرا پورا جسم لرز رہا ہوتا ہے۔ برائے کرم مجھے اس کا تفصیلی جواب عنایت فرماویں۔

میں نے ایک خواب دیکھا جس کی تعبیر معلوم کرنا ہے۔ خواب اس طرح ہے: میں اپنے رشتہ داروں کے ساتھ بیٹھا ہوں میرے برابر میں دائیں طرف میری چچی کی بہن کا لڑکا بیٹھا ہوا ہے جس کی شکل میری چچی کے لڑکے کی طرح ہے۔ خواب میں اس لڑکے کی عمر تین چار سال ہوگی۔ میں اس کو اپنی طرف کرکے پیار کرتاہوں تو وہ میری داڑھی تھڈی کے نیچے سے پکڑ کر اتنی زور سے کھینچتا ہے کہ مجھے بہت تکلیف ہوتی ہے اور اس کے ہاتھ میں تھوڑے بال آجاتے ہیں۔ میں اس کو کچھ نہیں کہتا اور پھر میں کہتاہوں کہ اگر کسی او رکا بچہ ہوتا تو بتاتا۔ یاد رکھیں میری چچی کی بہن کا لڑکا اصلیت میں عمر میں بڑا ہے او راس کی شکل بھی میرے چچی کے لڑکے سے مشابہ نہیں۔

میں کئی سالوں سے مسلسل لیور کی خرابی اور بہت سی دوسری بیماریوں کابغیر طبی علامت کے شکار ہوں۔مجھے ایک راقی نے مشورہ دیا کہ میری یہ حالت جن کی موجودگی کی وجہ سے ہے۔ میں پریشان ہوں کہ آیا ان خوابوں میں سے کوئی میری حالت سے تعلق رکھتا ہے؟میں آپ کی تعبیر کے لیے ممنون و مشکور ہوں گی۔ (۱)خواب میں خلاف معمول طریقہ پر بڑی سائز کے ہرے رنگ کے سانپ دیکھنے کا کیا مطلب ہے؟سانپ میرے مطبخ میں تھا یہ دوستانہ لگ رہا تھا اورمیں اس کی پیٹھ تھپ تھپا رہی تھی۔ (۲)میں نے ایک خواب دیکھا جس میں ایک بچھو اور تین بلیاں میرے مطبخ میں چھپی ہوئی تھیں۔ ایک بلی نے میرے اوپر حملہ کرنے کی کوشش کی۔ (۳) میں نے کچھ خواب دیکھا جس میں کوئی بری روح میرے اوپر حملہ کررہی تھی اور میں اس کو اپنے گھر سے بھگانے کے لیے حملہ کررہی ہوں۔ ان تمام خوابوں کا کیا مطلب ہے؟

میں ایک انڈین ہوں میری عمر ساٹھ سال سے زیادہ ہے اور بہت دنوں سے سعودی عربیہ میں کام کرتا ہوں۔ بہت سی مرتبہ میں خواب میں اپنے آپ کو بالکل ننگا دیکھتا ہوں۔ گزشتہ رات، میں نے اپنے آپ کو ایک مسجد میں وضو کرتے ہوئے دیکھا لیکن بالکل ننگا تھا۔ پہلے موقع پر میں نے امام سیرین کے تعبیر نامہ کا اردو ترجمہ پڑھا جس میں کسی عالم نے اپنی رائے بیان کی تھی کہ اپنے آپ کو ننگا دیکھنا اچھی علامت نہیں ہے، لیکن ایک یا دو نے ذکر کیا تھا کہ اگر مومن ایسا دیکھے تو یہ اس کے ایمان کی مضبوطی ہے او رکافر اور مشرک کے لیے بدنامی کی دلیل ہے۔ برائے کرم آپ اس پر اپنی رائے عنایت فرماویں؟

بندے نے ایک خواب دیکھا ہے برائے کرم تعبیر بتائیں۔ بندہ تقریباً چھ سات برس سے دعوت و تبلیغ کی محنت سے وابستہ ہے اور ہمیشہ گناہوں سے بچنے کی فکر میں رہتاہے۔ الحمد للہ ثم الحمدللہ شریعت کا پابند ہی، عمر چھبیس سال ہے ،نام مدثر احمد ہے۔ خواب دیکھا کہ میری ماں زمین پر بیٹھی ہیں میں کرسی یا پلنگ پر بیٹھا ہوں۔ ماں مجھے پینے کے لیے دودھ دیتی ہیں میں پینے سے پہلے حمداً کثیرا طیبا مبارکا فیہ پڑھ کر پی لیتا ہوں۔ پھر دوبارہ ایک گلاس دودھ دیتی ہیں میں اس گلاس میں سے صرف ایک گھونٹ صرف حمداً کہہ کر پیتا ہوں۔ پیتے ہی میری روح اللہ کھینچ لیتا ہے۔ مجھے خواب میں محسوس ہوا کہ میری روح کھینچتے ہی دودھ کا گلاس ہاتھ ہی میں رہتا کہ میرا بدن ایک سمندر میں جاگرتا ہے۔