عنوان: خواب دیکھا کہ میں کسی مدرسے میں کچھ لڑکیوں کے ساتھ ہوں 

سوال:

حضرت میں نے کچھ دنوں پہلے خواب دیکھا کہ میں کسی مدرسے میں کچھ لڑکیوں کے ساتھ ہوں اچانک میری طبیعت خراب ہوگئی پھر میں نے لا الٰہ الا اللہ پڑھا اور میرا انتقال ہوگیا لیکن تھوڑی دیر کے بعد میں زندہ ہوجاتی ہوں اور کسی دوسری لڑکی کا انتقال ہو جاتاہے اور مجھے میرے ابو اور بھائی لینے آجاتے ہیں جب ہم مدرسے سے باہر نکلتے ہیں تو میرے ابو نے اس لڑکی کے والد سے پوچھا کہ آپ کی بیٹی کی طبیعت کیسی ہے تو وہ کہتے ہیں کہ اب میری بیٹی کی طبیعت بھی ٹھیک ہے ان دونوں کو جنوں( جنات)نے ایسے ہی مارا تھا اگر پھانسی دیکر مارتے تو یہ کبھی زندہ نہیں ہوپاتیں۔حضرت اس خواب کی تعبیر بتادیں۔

رات کو میں باوضو سورہ یس، ملک،سجدہ، آیت الکرسی اور معوذتین وغیرہ پڑھ کر سوئی تھی۔اور اس طرح کے خواب میں اکثر دیکھتی ہوں۔کبھی کبھی میں نیند میں قرآن پاک پڑھتی ہوں تو اکثر وہی آیتیں پڑھتی ہوں جس میں لفظ موت ہوتا ہے مثلاً سورہ ملک کی یہ آیت الذی خلق الموت والحیاة... کبھی والذی یمیتنی ثم یحیین. حضرت انشائاللہ مستقبل قریب میں میری شادی ہونے والی ہے میری خواہش ہے کہ میری شادی کسی عالمِ دین سے ہو جبکہ میرے گھر والے اس کے مخالف ہیں میرے لئے دعا کردیں کے میری شادی ایسے باعمل جید عالم دین سے ہو جن کا تعلق اللہ کے ساتھ مضبوط ہو کہ ان کی صحبت و خدمت میرے لئے اللہ کی محبت و معرفت پانے کا ذریعہ بن جائے ۔ میرے لئے خصوصی دعا کردیں۔ بہت بہت شکریہ۔ فجزا کم اللہ عنی افضل الجزاء

جواب نمبر: 60258201-Feb-2021 : تاریخ اشاعت

بسم الله الرحمن الرحيم

Fatwa : 445-375/M=06/1442

 خواب عمدہ اور مبارک ہے، اشارہ ہے کہ حال نیک ہوگا اور انجام خیر کا ہوگا ان شاء اللہ، اسنت و شریعت پر مضبوطی سے عمل پیرا رہیں، دعا ہے کہ اللہ تعالی آپ کو نیک خاوند عطا فرمائے (آمین)