متعلقہ سوالات

میں نے ایک خواب دیکھا۔ دیکھتا ہوں کہ باہر زبردست بارش ہے۔ اپنے دوست کے ساتھ میں کہیں جارہا ہوں۔ یاد آیا امی سے مل لوں۔ تو ماں کے پاس گھر آیا جیسے ہی ماں کے بازو میں بیٹھا آسمان سے بادل کی طرح ہماری طرف کوئی بڑی سی چیز آنے لگی۔ فوراً کلمہ پڑھنے لگا۔ کلمہ پڑھتے پڑھتے وہ چیز سامنے آتی گئی اورکلمہ پڑھتے پڑھتے میری موت ہوگئی ۔ میں موت کے وقت سوچ رہا تھا کہ اب تو موت ہوگئی ہے اس جسم کو کیڑے کچھ دن بعد کھا لیں گے۔ تو یہ خواب کی تعبیر برائے مہربانی جلد از جلد بتائیں ۔ جب میں اٹھا تو فجر کو کچھ وقت باقی تھا، پانچ دس منٹ کے بعد فجر کی اذان ہوئی اور میں نے اٹھ کر نماز پڑھی۔

زید کہتاہے کہ اللہ تعالی نے نبی اکرم صلی اللہ علیہ وسلم کو علم غیب عطافرمایاتھا اور تمام مخلوقات سے زیادہ علم عطافرمایاتھا ، وہ یہ بھی کہتاہے کہ اس علم غیب سے مراد اللہ تعالی کا عطاکردہ ہے ، اللہ تعالی کے بتانے سے نبی اکرم صلی اللہ علیہ وسلم کو علم غیب تھا ، آپ صلی اللہ علیہ وسلم خود سے نہیں جانتے تھے اور اللہ تعالی نے زمین وآسمان میں جو کچھ ہے اس کا علم نبی اکرم صلی اللہ علیہ وسلم عطا فرمادیاتھایہ بعض غیوب کی خبر ہے۔ اگر کل کا لفظ استعمال کریں تو یہاں مخلوق کے مقابلے میں کل کا لفظ استعمال ہوگا، خالق کے مقابلے نہیں ، اور کہتاہے کہ اللہ کے علم غیب سے برابری تو دور نبی کا علم غیب اللہ کے علم غیب سے کچھ نسبت بھی نہیں رکھتاہے، کیونکہ نبی کا علم مخلوق ہے اور خالق کااپنا ذاتی ہے۔ جبکہ بکر کہتاہے کہ نبی پاک صلی اللہ علیہ وسلم کو اللہ تعالی نے علم غیب عطانہیں فرمایاتھا، علم غیب نہ ذاتی ہوتاہے اور نہ عطائی ، اس میں فرق نہیں کرنا چاہئیاور علم غیب صرف اللہ عزو جل شانہ کے ساتھ مخصوص ہے، اللہ تعالی نے اپنے محبوب بندوں کو بھی غیب کا علم نہیں دیتاہے۔ براہ کرم، اس جانب میری رہ نمائی فرمائیں۔

میں ایک سوال پوچھنا چاہتاہوں۔ ہماری بستی ککشی میں مسلمانوں کی دلی ، آپسی محبت کو بڑھانے او رآپس کے اختلافات کو دور کرنے کی غرض سے اور پوری قوم کو ایک پلیٹ فارم پر لانے کی غرض سے ایک شہر مسلمان کمیٹی بنائی گئی ہے، جس کمیٹی میں قوم کے سبھی طبقوں سے چند اشخاص کو لیا گیا ہے جو کہ اپنے اپنے طبقوں کی نمائندگی کرتے ہیں۔ بارہ ربیع الاول کے موقع پر شہر کمیٹی نے پورے شہر کے کھانے کا اہتمام اور انتظام کیا اوراس کام میں جو بھی خرچہ آیا اس کو قوم کے چند حضرات نے مل کر خوشی خوشی چکایا (گویا چند حضرات نے ملاکر دعوت کی)۔ اس پروگرام کا مقصد مسلمانوں کے آپسی اختلافات کو دور کرنا اور غیرقوم کو یہ پیغام دینا ہے کہ ہم سبھی آپس میں ایک ہیں اور ہمیں کوئی اختلاف نہیں ہے۔ اس پروگرام کا مقصد یہ بھی ہے کہ کسی کسی موقع پر پوری قوم ساتھ مل کر کھانا کھا لے تاکہ ہمارے درمیان ایک دلی محبت باقی رہے۔ قرآن اور حدیث کی روشنی میں جواب دینے کی تکلیف کریں کہ یہ پروگرام صحیح ہے یا غلط ہے؟

میں نے ایک خوا ب دیکھا کہ میں سورہ کافرون پڑھ رہا ہوں اور مجھ کو یاد نہیں ہے کہ میں کتنی مرتبہ پڑھ رہا ہوں لیکن جوں جوں میں زیادہ سے زیادہ پڑھتا جارہا ہوں تو میں نے چلانا شروع کیا لیکن میں وہاں رکا نہیں۔ میں تلاوت کرنا جاری رکھتاہوں اور چلانا جاری رکھتا ہوں اور جب میں بیدار ہوا تو میں چلا رہا تھا۔صرف میری آنکھیں بھیگی ہوئی تھیں۔ برائے کرم اس خوا ب کی تعبیر عنایت فرماویں۔

دارالعلوم دیوبند سے كس مسلك كے مطابق جواب دیے جاتے ہیں؟