متفرقات >> دیگر
سوال نمبر: 601808
اگر کوءِ کسی چیز کا اقرار کرنے کے بعد پھر انکار کرے تو اس کو رجوع عن الاقرار مان کر قبول کیا جائے گا یا نہیں؟
جواب نمبر: 601808
بسم الله الرحمن الرحيم
Fatwa:345-258/N=5/1442
کسی چیز کا اقرار کرنے کے بعد اس کا انکار کرنا رجوع کے حکم میں ہوتا ہے؛ البتہ ہر رجوع معتبر اور قابل قبول نہیں ہوتا؛ بلکہ اس میں تفصیل ہے اور وہ یہ ہے کہ اگر رجوع اُن حقوق اللہ میں ہو، جو شبہ سے ساقط ہوجاتے ہیں تو وہ معتبر اور قابل قبول ہوتا ہے۔ اور اگر حقوق العباد میں ہو یا ان حقوق اللہ میں ہو، جو محض شبہ کی بنیاد پر ساقط نہیں ہوتے تو وہ رجوع معتبر وقابل قبول نہیں ہوتا (موسوعہ فقہیہ، ۶: ۷۲،۷۳، ۷: ۶۰)۔
واللہ تعالیٰ اعلم
دارالافتاء،
دارالعلوم دیوبند