متفرقات >> دیگر
سوال نمبر: 600568
عورت كا بچوں سے كہنا ’’ابو كے لیے پانی لاؤ‘‘
ہمارے معاشرہ میں بیویاں احتراماً شوہر کا نام نہیں لیتیں اس لئے اس کے ابو، ان کے بھائی وغیرہ کے لفظ استعمال کرتی ہیں۔ اپنے بچوں سے بات کرتے ہوئے شوہر کے لئے تمھارے ابو کا لفظ استعمال کرتی ہیں۔ اکثر ایسا بھی ہوتا ہے کہ بچوں سے بات کرتے ہوئے تمھارے ابو کی جگہ صرف ابو کہہ دیتی ہیں۔ مثلاً ابو کے لئے پانی لاؤ، ابو کہاں گئے وغیرہ یہاں ان کی مراد تمھاری ابو سے ہوتی ہے لیکن زبان سے صرف ابو ادا کرتی ہیں۔ ایسا کرنے سے کیا بیوی گنہگار ہوگی؟ یا نکاح پر کوئی فرق پڑے گا؟
جواب نمبر: 600568
بسم الله الرحمن الرحيم
Fatwa : 154-76/SN=02/1442
چونکہ صورتِ مسئولہ میں مراد واضح ہے کہ ”ابو کے لئے پانی لاوٴ“ میں بچے کا ابو مراد ہے؛ اس لئے ایسا کہنے میں کوئی گناہ نہیں اور نہ ہی اس سے نکاح پر کوئی اثر پڑے گا۔
واللہ تعالیٰ اعلم
دارالافتاء،
دارالعلوم دیوبند