متفرقات >> دیگر
سوال نمبر: 600459
میرا سوال یہ ہے کہ دبئی اسلامی بنک سے قرضہ اٹھانا کیسا ہے ؟
جواب نمبر: 60045923-Nov-2020 : تاریخ اشاعت
بسم الله الرحمن الرحيم
Fatwa:120-98/N=4/1442
دبئی اسلامک بینک سے اگر بلا کسی عوض قرض ملتا ہے، یعنی قرض لینے والا جتنا قرض لیتا ہے، صرف اتنا ہی واپس کرنا ہوتا ہے، اُس سے زیادہ کسی بھی عنوان سے کچھ بھی زیادہ نہیں لیا جاتا تو دبئی اسلامک بینک سے قرض لینا جائز ہے۔ اور اگر کسی بھی عنوان سے مزید بھی وصول کیا جاتا ہو تو مزید کتنا وصول کیا جاتا ہے اور کس عنوان سے وصول کیا جاتا ہے؟ پوری تفصل لکھ کر دوبارہ سوال کیا جائے۔
واللہ تعالیٰ اعلم
دارالافتاء،
دارالعلوم دیوبند
یہ کہنا کہ دار الافتاء کو کسی کو کافر یا گمراہ کہنے کا حق نہیں ہے ؟
1270 مناظرمیری ہونے والی بیوی نے ایک خواب دیکھا ہے جس میں اس نے اپنی والدہ کو دیکھا کہ ان کا انتقال ہوگیا ہے وہ بہت زور زور سے رو رہی ہے، اتنے میں اس کا بھائی آتا ہے اور جنازہ کا وقت پوچھتا ہے ،پھروہ اور زور زور سے رونا شروع کردیتی ہے۔ اسرار کرنے پر اس کو مغرب کا وقت بتلاتی ہے اور دیکھتی ہے کہ والدہ کے چہرے پر بہت اطمینان ہے اور مسکراہت ہے اس کی کیا تعبیر ہوسکتی ہے؟
1345 مناظربندے نے ایک خواب دیکھا ہے برائے کرم تعبیر
بتائیں۔ بندہ تقریباً چھ سات برس سے دعوت و تبلیغ کی محنت سے وابستہ ہے اور ہمیشہ
گناہوں سے بچنے کی فکر میں رہتاہے۔ الحمد للہ ثم الحمدللہ شریعت کا پابند ہی، عمر
چھبیس سال ہے ،نام مدثر احمد ہے۔ خواب دیکھا کہ میری ماں زمین پر بیٹھی ہیں میں
کرسی یا پلنگ پر بیٹھا ہوں۔ ماں مجھے پینے کے لیے دودھ دیتی ہیں میں پینے سے پہلے
حمداً کثیرا طیبا مبارکا فیہ پڑھ کر پی لیتا ہوں۔ پھر دوبارہ ایک گلاس دودھ دیتی ہیں
میں اس گلاس میں سے صرف ایک گھونٹ صرف حمداً کہہ کر پیتا ہوں۔ پیتے ہی میری روح
اللہ کھینچ لیتا ہے۔ مجھے خواب میں محسوس ہوا کہ میری روح کھینچتے ہی دودھ کا گلاس
ہاتھ ہی میں رہتا کہ میرا بدن ایک سمندر میں جاگرتا ہے۔
میں ایک لڑکی ہوں، میں نے شادی کے تجویز کے لیے استخارہ کیا۔ میں اپنا خواب بیان کرتی ہوں:میں اپنی عورت ٹیچر سے فون پر بات کررہی تھی۔ اس نے میرے سننے کے لیے ایک کیسٹ چلادی۔ یہ کیسٹ اس کی قرآن شریف کی چند آیتوں کی تلاوت پر مشتمل تھی، مجھے یاد نہیں ہے کہ وہ کون سی آیتیں تھیں۔ جب ٹیپ بند ہوگیا ، تو میں نے اس سے کہا کہ اگر میرے پاس آپ کی تلاوت کی پورے قرآن شریف کی کیسٹ ہوتی تو میں اس کو اپنے بستر کے پاس رکھتی اور سنتی، اس نے کہا کہ وہ مجھے کیسٹ دے گی،میں نے صرف سنا اور اس کو رکھ سکی۔ میں نے اس سے پوچھا کہ کیا آپ نے میری ماں سے بات کرنے کے لیے فون کیا؟ اس نے کہا کہ ہاں۔ مجھے یہ بات معلوم تھی کہ وہ میری ماں سے ایک شادی کی تجویز کے بارے میں -جو مجھے ملی تھی- بات کرناچاہتی تھی۔ میں مطبخ میں آئی اور میری ماں اسٹوو کے پاس کھڑی ہوکر کے کسی سے فون پربات کررہی تھی۔ میں نے اس سے کہا کہ یہ میری ٹیچر ہیں جوبات کررہی ہیں وہ آپ سے بات کرنا چاہتی ہیں۔ میری ماں نے کہا کہ بہت اچھا اور جو کام کررہی تھی اسی میں متوجہ ہوگئی۔ میں اپنے کمرے میں واپس گئی اور ہم دونوں (میں اور میری ٹیچر) فون پر خاموش تھے میری ماں کے فون پر بات کے ختم ہونے کا انتظار کررہے تھے۔ اس کے بعد میں نے اپنی ٹیچر سے کہا کہ جب تک ہم انتظار کررہے ہیں کیا ہم سوال و جواب کی نششت شروع کردیں۔ (یعنی میں اس سے کچھ اسلامی مسائل پوچھنا چاہتی تھی )اس نے کہا کہ ابھی نہیں۔ مفتی صاحب دوسرے فون پرمجھ سے مخاطب ہیں۔یہ خواب کا اختتام تھا۔ برائے کرم میرے لیے ایک نیک شوہر کی دعا کریں۔
1312 مناظر